Llwybrau Hamddenol
Yr hyn sy’n dda am y llwybrau hamdden yma yw eu bod i gyd yn gymharol wastad gyda ychydig neu ddim graddiant. Gallwch gerdded rhannau o’r llwybrau neu orffen y daith gyfan-mae fyny i chi. Ac eithrio Llwybr Mawddach, mae’n bosib cwblhau y llwybrau hawdd yma mewn ychydig oriau gan roi cyfle i chwi deithio o amgylch Eryri gyda gweddill eich amser. Cofiwch wisgo esgidiau cyfforddus.
Tomen y Mur, Trawsfynydd - Llwybr Hamddenol
Gan ddechrau o bentref Trawsfynydd, mae’r gylchdaith hon yn eich harwain o lannau’r gronfa ddŵr, Llyn Trawsfynydd, ar hyd tir ffermio i’r nodwedd mwyaf arbennig ar y daith, sef caer Rufeinig Tomen y Mur.
Pellter: 4 milltir - 6.5 km
« mwy o fanylion
Llwybr Rhaeadr Cynfal - Llwybr Hamddenol
Mae Rhaeadr Cynfal, sydd i’r de o Lan Ffestiniog, yn cysgodi yn nyffryn coediog yr Afon Cynfal, ac mae’r ceunant arbennig hwn o fewn Gwarchodfa Natur Ceunant Cynfal.
Pellter:
« mwy o fanylion
Cwm Penamnen, Dolwyddelan - Llwybr Hamddenol
Mwynhewch y daith hyfryd hon trwy’r goedwig i fyny i Gwm Penamnen ble y gallwch fwynhau golygfeydd bendigedig o fynyddoedd Eryri.
Pellter: 2 milltir - 3.5 Km
« mwy o fanylion
Llwybrau Dyffryn Maentwrog a Llyn Mair - Llwybr Hamddenol
Mae Rhwydwaith Llwybrau Dyffryn Maentwrog a Llyn Mair yn ymestyn dros ardal eang ac yn cynnwys dros 30km o lwybrau cerdded. Sefydlwyd y rhwydwaith er eich mwynhad chi ym 1989 gan bartneriaeth o dirfeddianwyr yn yr ardal ac mae'r postiau rhifo ar bob cyffordd ar y llwybrau yn gymorth ichi weld lle yr ydych ar y map.
Pellter: Rhwydwaith o lwybrau dros 30km yn ei chyfanrwydd
« mwy o fanylion
Coed Graigddu - Taith Hamddenol
Y byrraf o ddwy daith yn yr ardal, mae’r gylchdaith yma yn dilyn llwybrau coedwig tawel. Mi fyddwch yn pasio rhaeadr Pistyll Gwyn a golygfeydd anhygoel o dde Eryri ar eich ffordd. Gall y tirwedd fod yn hegar ar rai adegau felly gwnewch yn siwr eich bod yn gwisgo esgidiau addas.
Pellter: 3 milltir - 5 km (taith gylch)
« mwy o fanylion
Craig y Fron, Y Bala - Llwybr Hamddenol
Wrth feddwl am Barc Cenedlaethol Eryri, fe ddychmygwn foelydd a chopaon geirwon, ond bydd y daith hon yn dangos i chi rywfaint o dirwedd mwynach, glasach yr ardal. Mae'r daith yn cynnwys dringfa raddol ar y dechrau sy'n gwastatáu ac yn disgyn yn raddol ar hyd tir pori.
Pellter: Tua 3 milltir - 4.5 km
« mwy o fanylion
Lôn Gwyrfai, Rhyd Ddu - Llwybr Hamddenol
Dyma lwybr hamdden aml-ddefnydd 4½ milltir a hanner grëwyd yn arbennig ar gyfer cerddwyr, beicwyr a marchogwyr. Arweinia’r llwybr trwy amrywiaeth o dirweddau gan gynnig golygfeydd arbennig o Ddyffryn Gwyrfai a'r ardal o gwmpas gan gynnwys rhai anhygoel o'r Wyddfa.
Pellter: 4½ milltir - 7 km
« mwy o fanylionHeader image - Morfa Harlech (© Crown copyright (2014) Visit Wales)
