Mae gwirfoddoli yn ffordd wych i gyfarfod pobl, dysgu sgiliau newydd a helpu i warchod yr hyn sy’n gwneud Eryri yn le mor arbennig.

Beth bynnag yw eich diddordebau mae lle i chi yma i roi help llaw i ni. Nid ni fydd yr unig rai i gael budd o’ch gwaith gwirfoddol. Byddwch chithau’n elwa hefyd - sgiliau newydd a chael profiadau defnyddiol, dysgu mwy am Eryri, cyfarfod ffrindiau, ymarfer corff a’r boddhad o wybod eich bod yn gwneud rhywbeth i helpu.

Fel un o’n gwirfoddolwyr byddwch yn ein cynorthwyo i weithredu ein pwrpasau sef:

• gwarchod a gwella harddwch naturiol, bywyd gwyllt a threftadaeth ddiwylliannol yr ardal;
• hyrwyddo cyfleoedd i ddeall a mwynhau ei nodweddion arbennig
• meithrin lles economaidd a chymdeithasol ei chymunedau

Gallwch fod yn hyderus y byddwch yn:

• ymwneud â gwaith sy’n helpu eraill i fwynhau a chael budd o’r Parc Cenedlaethol.
• cael hyfforddiant ac offer angenrheidiol
• gweithio ochr yn ochr â gwirfoddolwyr eraill a staff yr Awdurdod
• cael eich gwarchod gan reoliadau iechyd a diogelwch yr Awdurdod
• cael costau teithio yn unol ag Egwyddorion Gwirfoddoli’r Awdurdod

Dyma rai o’r cyfleoedd sydd i wirfoddoli hefo’r Awdurdod.

Plas Tan y Bwlch

• Dod yn aelod o Gyfeillion Plas Tan y Bwlch
• Garddio
• Helpu yn y caffi

Yr Ysgwrn

• Gweithio yn yr ardd
• Gweithio yn y caffi
• Arwain ymwelwyr o amgylch y tŷ ac/neu o amgylch y fferm
• Croesawu ymwelwyr
• Gyrru cerbyd yr Ysgwrn
• Glanhau adeiladau
• Gwaith cadwraeth – glanhau celfi a chreiriau
• Ymchwilio i hanes yr Ysgwrn

Wardeiniaid/ Mynediad

• Wardeiniaid yr Wyddfa
• Gwaith cynnal a chadw llwybrau
• Wardeiniaid ifanc
• Arolygu llwybrau
• Arolygon Twristiaeth
• Arwain teithiau cerdded
• Tywys pobl gyda nam ar y golwg ar deithiau cerdded
• Helpu hefo canolfan wybodaeth ym Mlwch Signal yn Llyn Penmaen
• Casglu sbwriel
• Chwalu carneddau di-angen ar y mynyddoedd

Adran Cadwraeth, Coed ac Amaeth

• Rheoli rhywogaethau ymledol e.e. Jac y Neidiwr
• Defnyddio ‘ap’ i fapio planhigion ymledol.
• Arolygon bioamrywiaeth
• Mesur Awyr Dywyll

Gwybodaeth bellach

Lawrlwythwch y ffurflen gais gwirfoddoli yma

Am fwy o wybodaeth am wirfoddoli ym Mharc Cenedlaethol Eryri cysylltwch â ni ar 01766 770 274

parc@eryri.llyw.cymru

Mae Cymdeithas Eryri yn cynnig llawer o gyfleoedd gwirfoddoli hefyd - ceir rhagor o wybodaeth ar eu gwefan https://www.snowdonia-society.org.uk/cy/gwirfoddoli/