Gofalu

Coed Cymysg

alt=Parc Cenedlaethol Eryri

Gair Am Fforwm Eryri

Mae'r Fforwm yn gyfle i bawb sy'n ymwneud â llunio dyfodol Eryri i symbylu eu dull o weithio ar y cyd yn y rhanbarth a thu hwnt. Bydd y Fforwm yn gweithio gyda'i gilydd i sefydlu mecanweithiau ar y cyd ar gyfer datblygu, darparu a monitro amcanion a chamau gweithredu strategol o fewn Cynllun Partneriaeth y Parc Cenedlaethol ("y Cynllun").

Drwy'r pwrpas hwn bydd y Fforwm yn darparu ffordd newydd o weithio gyda phartneriaid perthnasol drwy gyflawni Dyletswyddau Adran 62 o Ddeddf yr Amgylchedd 1995.

Bydd y Fforwm hefyd yn sefydlu - ac yn flynyddol yn adolygu - aelodaeth o’r cyrff a gynrychiolir yn y Fforwm a bydd hyn yn cael ei gymeradwyo gan Awdurdod Parc Cenedlaethol Eryri.

Wrth ddilyn y diben hwn bydd y Fforwm yn cyfrannu at gyflawni’r nodau cenedlaethol llesiant fel y nodir yn y Ddeddf Llesiant Cenedlaethau'r Dyfodol:

  • Cymru lewyrchus
  • Cymru gydnerth
  • Cymru iachach
  • Cymru sy’n fwy cyfartal
  • Cymru o gymunedau cydlynus
  • Cymru â diwylliant bywiog lle mae’r Gymraeg yn ffynnu
  • Cymru sy’n gyfrifol ar lefel fyd-eang

Aelodau Fforwm Eryri

Mae'r mydiadau canlynol yn aelodau o Fforwm Eryri:

  • Croeso Cymru
  • Cyngor Gwynedd
  • Cyngor Bwrdeistref Conwy
  • Un Llais Cymru
  • Cadw
  • Tim Iechyd Cyhoeddus Lleol Bwrdd Iechyd Prifysgol Betsi Cadwaladr
  • Cyfoeth Naturiol Cymru
  • Partneriaeth Awyr Agored
  • Cymdeithas Eryri
  • Yr Ymddiredolaeth Genedlaethol
  • Undeb Amaethyddwyr Cymru (FUW)
  • NFU Cymru
  • Federation of Small Businesses (FSB)
  • Y Grid Cenedlaethol
  • Yr Urdd